طقم أسنان لأبوك أو مامتك: تعرف إزاي إنه محتاج يتغير؟

كتير من كبار السن بيتعودوا على طقم سايب أو بيوجع، ومش بيشتكوا عشان مش عايزين يتعبوا حد. انت ممكن تلاحظ قبلهم، والملاحظة دي ممكن تفرق في أكلهم وكلامهم وصحتهم.

علامات إن الطقم محتاج ظبط أو تغيير

• بيتحرك وهو بياكل أو بيتكلم.

• بقى بيتجنب أكل معين زي اللحمة أو الخضار الناشفة.

• فيه جروح أو احمرار في اللثة.

• بيستخدم لاصق كتير عشان يثبّته.

• شكل الوش اتغير والشفايف دخلت لجوه.

• الطقم عمره أكتر من 5 لـ 7 سنين.

إيه الحلول؟

• تبطين للطقم الحالي لو لسه كويس.

• طقم جديد مظبوط على مقاس البُق دلوقتي.

• طقم متثبت على 2 لـ 4 زرعات، وده بيفرق جداً في الثبات والأكل.

لو الحل محتاج زرعات، الجزء الجراحي بيعمله استشاري جراحة، ود. محمد باشا بيعمل الجزء التعويضي: الطقم أو التركيبة اللي بتتثبت على الزرعات.

إزاي تساعده؟

• روح معاه أول زيارة.

• هات معاك ليستة الأدوية اللي بياخدها.

• اطبع كارت العناية بالطقم من صفحة ملفات المرضى.

الأكل المريح والكلام الواضح بيفرقوا في صحته ونفسيته. لو عندك سؤال، ابعتلنا على واتساب.

صفحة الأطقم · ملفات المرضى · كلمنا على واتساب

المعلومات دي عامة ومش بديل عن الكشف.